მსოფლიოს უმსხვილესი კომპანიების მიერ რუსეთში საქმიანობის შეჩერების ან რუსეთის ბაზრის დატოვების კვლადაკვალ იგივე ზომებს მიმართავენ სათამაშო ინდუსტრიის გლობალური ლიდერები.

იაპონურმა კომპანიამ Sony მიიღო გადაწყვეტილება არ შეიტანოს რუსეთის ფედერაციაში მისი სათამაშო კონსოლები, ასევე შეაჩეროს მაღაზია Playstation Store-ის მუშაობა. ამის შესახებ ინფორმაციას თავად კომპანია ავრცელებს, სადაც განმარტავს, რომ Sony Interactive Entertainment ემხრობა მშვიდობას უკრაინაში. კომპანია უკრაინის მხარდასაჭერად 2 მლნ დოლარსაც გამოყოფს.

რუსეთის დატოვების შესახებ გამოაცხადა კიდევ ერთმა იაპონურმა გიგანტმა Nintendo. კომპანიის განცხადებით, ის არ შეიტანს რუსეთის ტერიტორიაზე სათამაშო კონსოლს Nintendo Switch და მის პროგრამულ უზრუნველყოფასაც არ მოემსახურება.

აღნიშნულის მიზეზად კომპანია სასანქციო პოლიტიკას ასახელებს, რომელიც რუსეთის წინააღმდეგ არის ამოქმედებული.

რუსეთის ბაზარს ტოვებს ასევე ფინური Supercell, რომელმაც დახურა წვდომა მის ონლაინ თამაშებზე რუსეთის და ბელორუსის ტერიტორიიდან. შეზღუდვა შეეხო ასევე ამ ბრენდის კუთვნილ ბავშვებში პოპულარულ თამაშს Brawl Stars.

BPN.GE