ალბათ ყველას გსმენიათ კომპანია “Tineco-ს” შესახებ, რომელიც დიდი ხანია უკვე მტვერსასრუტებისა და თმის საშრობების გამოშვებით არის დაკავებული. კომპანიის შემდეგი პროდუქტი 399 დოლარიანი ტოსტერია, რომელიც ტოსტის მომზადებას Wi-Fi-ს მეშვეობით ახერხებს. ეს ახალი პროდუქტი გვაფიქრებს, დარჩა თუ არა რამე ჩვენს სახლებში, რაც “დაცულია” ინტერნეტის ტალღისგან. 

“Tineco-ს” ტოსტერს გაყიდვაში სექტემბრიდან ვიხილავთ. იმის საჩვენებლად, თუ რამდენად სერიოზულად ეკიდებიან ამ იდეით “იდეალური ტოსტის” ბიზნეს სამყაროში”შემოჭრას”, კომპანიამ თავის ტექნოლოგიის ნაწილის სავაჭრო ნიშანიც კი დაასახელა. (IntellHeat™ USPTO 97453909, ვიცი, ძალიან გაინტერესებდათ.)

“აუცილებელი არ არის ტოსტის ორივე ნაჭერი ერთნაირი იყოს,“IntelliHeat™-ის ტექნოლოგის საშუალებას იძლევა თითოეული ტოსტი ინდივიდუალურად მოარგოთ მის მხარეს და ამით ორ ადამიანს შეეძლება მოამზადოს თავისთვის იდეალური ტოსტი” წერს კომპანია და 0.22$-იანი პრობლემის მოსაგვარებლად 340$-იან გამოსავალს გვთავაზობს. “ახალი ტოსტერის ტექნოლოგიას შეუძლია ასევე ტოსტის გაკეთების ათამდე ვერსია დაიმახსოვროს, ასე რომ, მთელ ოჯახს შეეძლება თავისი სასურველი სახის ტოსტი მიირთვას მხოლოდ ღილაკზე ერთი დაჭერით” განაცხადა “Tineco-მ”

მსოფლიოში, სადაც 35$-ად შესაძლებელია ორ ნაჭრიანი ტოსტერის ყიდვა, რომელსაც 7000-ზე მეტი მომხმარებლის შეფასება და ამაზონზე საშუალოდ 4,5 ვარსკვლავი აქვს, ბადებს კითხვას: რატომ? მართალია, ამ 35$-იან ტოსტერს არ შეუძლია ათი ადამიანის ტოსტის პრეფერენციის დამახსოვრება, თუმცა ამის სხვა მეთოდებიც არსებობს.  

ჩემი პრობლემა აპლიკაციით მომუშავე სამზარეულოს მოწყობილობებთან არის ის, რომ ისინი ქმნიან ზედმეტ სირთულეს, რომელიც ადამიანთა უმეტესობისთვის სულაც არ არის საჭირო. ყავის აპარატი, რომელიც აადუღებს ფინჯან ყავას სანამ თქვენ ლოგინიდან გადმოცოცდებით? კი ბატონო. მაგრამ ტოსტი? მე მეგობრები მყავს, რომლებსაც უკვე 15 წელია ერთი და იგივე ტოსტერი აქვთ, და თუ იგი როდისმე გაფუჭდება, ისინი ალბათ ისევ იმავე ტოსტერს იყიდიან და ეს ლოგიკურია, რადგან ეს ხომ უბრალოდ ტოსტერია. 

მე თქვენთვის ორი კითხვა მაქვს:

1.არსებობს თუ არა რაიმე მოწყობილობა თქვენს Wi-Fi ქსელში, რომელიც 15 წლის არის

2. ელოდებით თუ არა, რომ ამ მოწყობილობებიდან რომელიმე 15 წლის შემდეგაც იარსებებს?

მზად ვარ გამოვიცნო, რომ უმეტესი თქვენგანისთვის, ორივე კითხვაზე პასუხი იყო “არა”. ამის ახსნა კი მარტივია, საქმე იმაშია, რომ ელექტრომოწყობილობების უმეტესობა (განსაკუთრებით კი ისეთი მოწყობილობები, რომლებიც ბევრ სითბოს გამოყოფს) უბრალოდ არ არის შექმნილი იმისათვის, რომ დიდ ხანს გაძლოს. 

საბოლოოდ, ჩვენ ვყიდულობთ ისეთ მოწყობილობებს, რომლებიც იმაზე “ჭკვიანები” არიან, ვიდრე ეს საჭიროა, ეს კი მათი სრულფასოვანი მუშაობის ხანგრძლივობას ამცირებს , რაც თავის მხრივ არა მხოლოდ ნაგავსაყრელზე უფრო მეტ ნაგავს ნიშნავს, არამედ უამრავი ტექნოლოგიის ნაგავს, რაც გადამუშავების პროცესს უფრო რთულს ხდის. 

წყარო: techcrunch.com