საპარლამენტო ბოიკოტის საკითხზე „ნაციონალურ მოძრაობაში“ აზრთა სხვადასხვაობაა. საკადრო ცვლილებების შემდეგ, პარტიის თავმჯდომარე აცხადებს, რომ „ნაციონალური მოძრაობა“ სრულფასოვანი საპარლამენტო საქმიანობით უნდა დაკავდეს და მხოლოდ საგამოძიებო კომისიით არ უნდა შემოიფარგლოს.

„ყველა სხვა აქტივობასთან ერთად, „ნაციონალური მოძრაობა“ საპარლამენტო საქმიანობითაც უნდა დაკავდეს. არასერიოზული იქნება, შეხვიდე საგამოძიებო კომისიის შესაქმნელად, რაც არ უნდა არგუმენტირებული იყოს ეს მოთხოვნა რეჟიმის მიმართ, და სხვა ნებისმიერ საქმიანობაზე უარი თქვა. ჩემი აზრით, ეს შემთხვევა ბრძოლის სრულფასოვნად გაჩაღებას გულისხმობს“, - აცხადებს ნიკა მელია.

კობა ნაყოფიამ ნიკა მელია, პოლიტსაბჭოს თავმჯდომარის პოსტზე შეცვალა. პეტრე ცისკარიშვილმა კი, გენერალური მდივნის თანამდებობა ჩაიბარა. რაც შეეხება ნიკა მელიას, ის პარტიის თავმჯდომარედ რჩება და პარალელურად, ზაალ უდუმაშვილისგან თბილისის რაიონული ორგანიზაციის თავმჯდომარის თანამდებობაც გადაიბარა.

imedinews.ge