მას შემდეგ, რაც Microsoft-მა თავის Edge ბრაუზერში GPT-4-ზე დაფუძნებული ჩეთბოტი ჩაუშვა, Opera-მ გენერაციული ჩეთბოტების ინტეგრაცია თავის დესკტოპ ბრაუზერებში Classic-ში და Opera GX-ში მოახდინა.

კომპანიამ განაცხადა, რომ მომხმარებლებს შეეძლებათ სცადონ ახალი ინსტრუმენტები ყველა დესკტოპიან პლატფორმაზე.

ChatGPT-ისა და ChatSonic-ის მიერ მოწოდებულ ჩეტბოტებს შეუძლიათ სტატიების შეჯამება, სოციალური მედიის პოსტების შექმნა ან კრეატიული იდეების მიწოდება. ამ ფუნქციების გამოსაყენებლად მომხმარებლებმა უნდა ჩართონ AI მინიშნებები პარამეტრების მენიუში.

თუ ChatGPT მუშაობს მხოლოდ ტექსტზე, ChatSonic ბოტი მომხმარებლებს საშუალებას მისცემს შექმნან სურათები ტექსტიდან.

„ხელოვნური ინტელექტის მიერ გენერირებული კონტენტი ინტერნეტ სივრცეში თამაშის წესებს ცვლის. ჩვენი მიზანია გამოვიყენოთ ეს ტექნოლოგიები, რათა მომხმარებლებს მივცეთ ახალი შესაძლებლობები - გადავაფასოთ როგორ სწავლობენ, ქმნიან და იკვლევენ. Opera აქტიურად აფართოებს ხელოვნურ ინტელექტის პროგრამას AIGC-ში (Artificial Intelligence Global Company) ბრაუზერებისა და სათამაშო პროდუქტებისთვის თავისი გადაწყვეტილებებისა და ახალი და არსებული პარტნიორობის დახმარებით“, - განაცხადა Opera-ს პროდუქტის ხელმძღვანელმა ჯოანა ჩაიკამ.

მისი თქმით, მომავალში Opera წარმოადგენს უფრო მეტ AI-ზე მომუშავე ფუნქციებს, რომლებიც იმუშავებს საკუთარ ენობრივ მოდელზე.