კოორდინაციაში მყოფმა ოპოზიციური პარტიების ლიდერებმა თბილისის საკრებულოს მაჟორიტარობის კანდიდატები წარადგინეს.

კანდიდატები პარტია ,,დროას” ლიდერმა, ელენე ხოშტარიამ, „გირჩი - მეტი თავისუფლებას” ლიდერმა ზურაბ ჯაფარიძემ და ,,ევროპული საქართველოს” ლიდერმა გიგა ბოკერიამ წარადგინეს.

კერძოდ, პარტია „ევროპული საქართველოდან” სამგორის მაჟორიტარი კანდიდატი დათო ჟღენტი იქნება, ისანში - ბესიკ დონაძე, ჩუღურეთში კი გიორგი ნონიაშვილი.

პარტია „დროას” გლდანის მაჟორიტარობის კანდიდატი იქნება პარტიის ლიდერი ელენე ხოშტარია, ვაკის მაჟორიტარი - ბათუ ქუთელია, კრწანისში კი თამაზ ახობახე.

პარტია „გირჩი-მეტი თავისუფლების” დიდუბის მაჟორიტარობის კანდიდატი იქნება ნიკა მოსიაშვილი, ნაძალადევიში - ბადრი გრიგალაშვილი, მთაწმინდაზე - თენგიზ კირთაძე და საბურთალოში - ბორის ყურუა.

ცნობისთვის, „ევროპულმა საქართველომ“, „გირჩი - მეტი თავისუფლებამ“ და პოლიტიკურმა მოძრაობამ „ დროა“ კოალიციური შეთავაზების ფარგლებში თბილისში, მაჟორიტარულ ნაწილში შეთანხმებულ კანდიდატები დაასახელეს, რომელსაც მხარს ასევე უჭერს „ნაციონალური მოძრობა“.

ამასთან, როგორც ცნობილია, ოპოზიციის ნაწილის მერობის კანდიდატია „ერთიანი ნაციონალური მოძრაობის“ თავმჯდომარე ნიკა მელია, მოძრაობა „დროას“ ლიდერი, ელენე ხოშტარია ოპოზიციის ნაწილმა თბილისის საკრებულოს თავმჯდომარეობის კანდიდატად დაასახელა. ხოლო „გირჩი-მეტი თავისუფლების“ წარმომადგენელი ცოტნე კობერიძე თვითმმართველობის არჩევნებზე ვიცე-მერობის კანდიდატი იქნება.

ipn.ge