რუსულ პროპაგანდისტული მედია, ოკუპირებულ აფხაზეთში დამსვენებლებს ზამთრის სეზონზეც ეპატიჟება. როგორც ტურისტულ ბლოგშია ნათქვამი, აფხაზეთში მიმოზა იანვრის ბოლოდან მარტის თვემდე ყვავილობს და აფხაზეთის თბილი ზამთრის გათვალისწინებით, ეს პერიოდი სანაპიროზე სეირნობისთვის საუკეთესოა.
ბლოგში ასევე საუბარია სოხუმი ღირსშესანიშნაობებზე, მათ შორის ბოტანიკურ ბაღსა და შუქურას გვერდით ნახსენებია სოხუმის ბაზარიც. ასევე აფხაზეთის მნიშვნელოვან ადგილებად დასახელებულია ახალი ათონი, გაგრა, რიწის ტბა, აფხაზეთის თერმული წყლები სხვადასხვა ადგილზე, თუმცა რუსულ მედიას მაინც მოუწია იმის აღიარება, რომ ამ ღირსშესანიშნაობების უმრავლესობა მიტოვებულ და განადგურებულ მდგომარეობაშია.
„აფხაზეთი სხვა ქვეყანაა, მაგრამ ძალიან ახლოს. პასპორტი არ არის საჭირო. ოფიციალური ვალუტა არის რუსული რუბლი. ყველგან რუსულად საუბრობენ - ენობრივი ბარიერი არ არის,“- წერს ოკუპანტი ქვეყნის მედია, საქართველოს ოკუპირებულ ტერიტორიაზე.