6 სექტემბერს, რუსეთში საპარლამენტო არჩევნების დაწყებამდე ფედერაციის საბჭომ Google-ისა და Apple-ის წარმომადგენლები გამოიძახა იმისთვის რომ ესაყვედურა მათთვის „ხმის მიცემის პროცესშიჩ არევის გამო“. ტექნოლოგიური გიგანტების დანაშაული იმაშია, რომ მათ თავიანთ სერვისებში განათავსეს არჩევნებზე კონტროლის აპლიკაცია „ჭკვიანი არჩევანი“, რომელიც ციხეში მყოფი ოპოზიციონერის ალექსეი ნავალნის მომხრეებმა შექმნეს.

ბოლოს და ბოლოს ისინი დათმობაზე წავიდნენ და აპლიკაცია თავიანთი ონლაინ-მაღაზიებიდან მოხსნეს. ეს არ არის უბრალოდ ერთი, ცალკე აღებული ფაქტი.  კრემლმა რუსული ინტერნეტის მსოფლიო კიბერსივრცისგან განცალკევების სტრატეგიული გადაწყვეტილება მიიღო. ვლადიმერ პუტინს სურს, რომ მისმა მოქალაქეებმა მხოლოდ რუსული სერვისები და აპლიკაციები გამოიყენონ, ერთმანეთს მხოლოდ რუსულ სოციალურ ქსელებში ეკონტაქტონ, ვიდეოს მხოლოდ რუსულ პლატფორმებზე უყურონ და ინფორმაცია რუსეთში განლაგებულ სერვერებზე მოიძიონ. ის იმედოვნებს, რომ, ამ შემთხვევაში, ისინი უფრო დამოკიდებულები იქნებიან ხელისუფლების მიერ შეთავაზებული რეალობის ვერსიასთან.

რუსეთის ხელისუფლებამ უკვე მიანიჭა პრიორიტეტი რუსულ საძიებო სისტემა Яндекс-ს ყველა სმარტფონში, რომელიც ქვეყნის ტერიტორიაზე იყიდება. მომავალი წლიდან სკოლების მასწავლებლებს მოსწავლეთა მშობლებთან ურთიერთობა მხოლოდ რუსული სოციალური ქსელებით ექნებათ. კრემლი ასევე ახალისებს YouTube-ის ალტერნატივის, RuTube-ის შექმნის პროექტს, რომელსაც „გაზპრომი“ აფინანსებს. ეს არ ნიშნავს, რომ რუსეთის ხელისუფლება მოქალაქეებისთვის ახალი პლატფორმების მეშვეობით მეტი არჩევანის საშუალებას აძლევს, პირიქით, 2021 წლის თებერვალში პუტინმა მიანიშნა, რომ მზადაა გააუქმო სრამდენიმე უცხოური ინტერნეტპლატფორმა, იმ წამსვე, როდესაც მათი რუსული ანალოგები მზად იქნება. ეს მომენტიკი თითქმის დადგა. 1990-იანი წლებიდან მოყოლებული რუსეთმა მრავალი დასავლურ იტექნოლოგიები გადმოიღო, რამაც ხელი შეუწყო რუსული ტექნოლოგიური კომპანიების განვითარებას, მათ შორის ისეთების, როგორც Яндекс, Лаборатория Касперского. დაა.შ. ამჯერად სწორედ მათი წარმატება არწმუნებს პუტინს და მისგარემოცვას იმაში, რომ მათ თვითიზოლირების ფუფუნება უკვეა ქვთ.

თუ ისტორიას გადავხედავთ, კარჩაკეტილობის საბჭოთა პოლიტიკა კრახით დასრულდა. გაიმეორებს თუ არა დღევანდელი კრემლი წინამორბედების შეცდომებს? ან იქნებ კრემლი იზოლაციას თავისთვის სასიკეთოდ გამოყენებას შეძლებს? როგორც ჩანს, პუტინი მიიჩნევს, რომ დიახ, შეძლებს.

რუსეთის ხელისუფლებამ ადგილობრივი ინტერნეტ-ტექნოლოგიების დანერგვას საკმაოდ წარმატებულად ახერხებს და მას გააჩნია რუსული ალტერნატივები სგარკვეული რაოდენობა, რომელთა გამოყენებას ის, თუნდაც დროებით, შეძლებს. მაგრამ თუ მოსკოვმა ქვეყანა გლობალურ კიბერსივრცეს ჩამოაცილა, საბოლო ოჯამში, ამის ფასი საკმაოდ დიდი იქნება, - რუსეთი სამომავლო განვითარების შანსს დაკარგავს, რადგან ისტორიული გამოცდილებით დასტურდება, რომ  რომ ქვეყანა ყოველთვის მოდერნიზდებოდა მხოლოდ გარესამყაროსთან ურთიერთქმედებით და არასდროს იზოლაციით.

ავტორი: თენგიზ აბლოთია

წყარო: Washingtonpost