რადიო „კომერსანტის“ გადაცემაში „კომერსანტის დილა“ ეკონომისტმა ზვიად ხორგუაშვილმა 5 ივლისს ქვეყანაში განვითარებული მოვლენები შეაფასა და აღნიშნა, რომ საქართველოს ისტორიაში ამერიკის შეერთებული შტატების სახელმწიფო დეპარტამენტისგან პირველად გაიგო სიტყვა სანქცია, რაც, მისივე თქმით, ნიშნავს, რომ ქვეყანა ყავთ დაკვირვების ქვეში და თითოეულ გადაგმულ ნაბიჯს აკვირდებიან.
„ჩვენ ახლა, ხელისუფლების დამსახურებით, ბეწვის ხიდზე გავდივართ, რომ საქართველო სანქცირებულთა რიგებში არ მოხვდეს. ვისაც არ უნდა ემუქრებოდეს ეს სანქცია, იქნება ეს მოქალაქე თუ ხელისუფლების წარმომადგენელი, ყველას კარგად უნდა ესმოდეს, რომ ეს სანქციები ქვეყანაზე ძალიან ცუდად აისახება. როდესაც ქვეყანაში გყავს ანტიდასავლური განწყობების ხელისუფლების წარმომადგენლები, ეს ნიშნავს იმას, რომ ქვეყანა მოწყვეტილია იმ ორიენტირს, რომლისკენაც მივისწრაფით და პირდაპირ შეგვიძლია ვთქვათ რომ ეს ქვეყანას კატასტროფულ შედეგს მოუტანს.
ამიტომ ჩვენ, პირველ რიგში, ხელისუფლებას ძალიან მკაცრად უნდა მოვთხოვოთ პასუხი. დიდი ხანია, დაუკრეფავში არიან გადასულები და დროა გამოფხიზლდნენ და ამ პროცესებს შეუქცევადი ხასიათი არ მიეცეს. ამიტომ, დროა გამოვფხიზლდეთ, დროა გონს მოვეგოთ, შეწყდეს ძალადობა და მათ შორის დაკმაყოფილდეს ბევრი ის მოთხოვა, რომლებიც დღეს აქციებზე ისმის.
პირველ რიგში აქ მთავარი ის არის, რომ ისინი ვერ შეძლებენ თქვან, რომ მათ ქვეყანას ემუქრება სანქციები, იმიტომ რომ სანქციები ტარდება ინდივიდუალური ფორმით, ამოიარჩევენ ყველაზე დამაზიანებელ ადამიანებს, ვინც არიან საქართველოს ხელისუფლების რომელიმე შტოებში და მათკენ მიიმართება სანქციები.
რაც შეეხება რამის ახსნას, ჩვენ დასავლეთისთვის არაფერი ასახსნელი არ გვაქვს, რადგან მათ ძალიან კარგად იციან, რა ხდება, მათ ძალიან კარგად იციან რა სიტუაციაა, ვინ იქცევა ცუდად, ვინ არის სიბნელის მხარეს და ვინ სინათლის მხარეს“, - აღნიშნა ზვიად ხორგუაშვილმა.
ხორგუაშვილმა ასევე აღნიშნა, რომ „ქართული ოცნების“ რეიტინგი ბევრ ადამიანზე არ დგას. მისი თქმით, „ქართული ოცნების“ ლეგიტიმაცია მთლიანობაში პროპაგანდით არის გამოხატული, რამაც საქართველოს მოსახლეობა არ უნდა დააბნიოს და სოციალურ ქსელებში ტროლ-ბორტების აქტივობამ არ უნდა აფიქრებინოს ვინმეს, რომ ხელისუფლებას აქვს ლეგიტიმაცია. როგორც ხორგუაშვილი ამბობს, ის პროცენტი, რაც „ქართულმა ოცნებამ“ არჩევნებზე აიღო, იყო დაშინებით და არჩევნების გაყალბებით გამოწვეული.
„იმ ადამიანების რაოდენობა, რომლებიც ამ ხელისუფლებას მხარს უჭერენ, ძალიან მცირეა. ეს ჯგუფიც, ერთის მხრივ, იმ ადამიანებისგან შედგება, რომლებიც „ქართული ოცნებისგან“ გარკვეულ სარგებელს იღებენ და მას ამის გამო უჭერენ მხარს. მეორეს მხრივ ეს არის ადმინისტრაციული რესურსი და მესამე ის ძალიან მცირე ნაწილი, რომელიც შეიძლება რომ აყვეს ამ პროპაგანდას. ჩვენ სწორედ ამ ნაწილზე უნდა ვიმშაოთ, რომელიც შეიძლება პროპაგანდას აყვეს და მთავარი მესიჯი უდნა იყოს, რომ საქნციები არ შეეხება ქვეყანას, ის შეეხება ხელისუფლების წარმომადგენელ ინდივიდებს და ამის მიუხედავად ეს სანქციები ქვეყნისთვის დამაზიანებელია, რაშიც დიდი როლი ხელისუფლებას მიუძღვის.
ეს მარტივი ასახსნელია, რაგდან მთელმა საქართველომ დაინახა 5-6 ივლისის პროცესები, რომ ეს დესტრუქციული ძალები ხელისუფლების მიერ არიან წახალისებულები, მათ შორის არავის, არც „ქართული ოცნების“ მხარდამჭერებს, ეს პროცესები არ მოეწონათ. ეს შეიძლება რომ მხოლოდ მანიაკალური მიდრეკილების ადამიანს მოეწონოს“, - აღნიშნა ზვიად ხორგუაშვილმა.
რაც შეეხება კოვიდ პანდემიას, ხორგუაშვილის თქმით, მიუხედავად იმისა, რომ ინფიცირების სტატისტიკა უარესდება, სურათი არც ისეთი მძიმეა, როგორც შემოდგომაზე გვქონდა. მისივე თქმით, ხელისუფლება ყველანაირად ცდილობს, რომ მოსახლეობა ვირუსით დააშინოს და პანდემიური ფონის გამწვავება ოპოზიციის აქციებს დააბრალოს.
„ამ მხრივ ჩვენ ძალიან ფრთხილები უდნა ვიყთ, მაგრამ ისევ ხელისუფლებას უნდა მოვთხოვოით პასუხი. ახალა რა დღეშიც ვართ, ეს, პირველ რიგში, იმის ბრალია, რომ ვაქცინაციას ვაგვიანებთ. მსოფლიოს სხვა ქვეყნებს რომ შევხედოთ, მათთან შედარებით ძალიან ცუდი მდგომარეობა გავქვს და ეს ცოდვა ხელისუფლების კისერზეა
მეორე, რაც ასევე მნიშვნელოვანია, ჩვენნაირი სტატისტიკა თითქმის არავის არ აქვს, იქნება ეს სიკვდილიანობა თუ ინფიცირება. მთელ მსოფლიოში ჩვენ ამ პროცესს ყველაზე ცუდად ვმართავთ. პირველი, რაც ჩვენ უნდა ვიცოდეთ, არ უნდა შევუშინდეთ ხელისუფლების მუქარებს – ხელისუფლება ილაპარაკებს, პრემიერი ილაპარაკებს თუ სამედიცინო სფეროს წარმომადგენლების პირით, დიდი მნშვნელობა არ აქვს. უდნა ვიცოდეთ, რომ გავუფრთხილდეთ თავს, რეკომენდაციებს დავუჯეროთ, ოღონდ ისეთ რეკომენდაციებს არა, რომელიც სახლიდან გასვლას გვიკრძალავს. ჩვენ ახლა ქვეყანა გვაქვს გადასარჩენი, აქციებზე ყოფნა მნიშნელოვანია. და რაც არანაკლებ მნიშნელოვანია, ხელისუფლება რუსული სტილის მმართველობის დამკვიდრებით ქვეყანაში ზრდის ანტივაქსერების რაოდენობას. ისეთ ქვეყნებში, სადაც ხელისუფლება ახალისებს ბნელ ძალებს, შემდეგ ბნელი ძალები ახალისებენ ისეთ პროპაგანდას, როგორც არის ანტივაქსერობა. ამიტომ, ჩვენ ხელისუფლებას უდნა მოვთხოვოთ, რომ მაქსიალური ყურადღება მიაქციოს მსგავს თემებს, ანტივაქსერულ პოლიტიკას უნდა ვებრძოლოთ და უნდა მოვთხოვოთ ხელისუფლებას რომ ვაქცინა თავის დროზე შემოიტანოს, - აღნიშნა ზვიად ხორგუაშვილმა.
თაკო კვაჭანტირაძე