2022 წლის განმავლობაში შემოწმებული 377 თანამდებობის პირის ქონებრივი დეკლარაციიდან: დადებითად შეფასდა 165 დეკლარაცია, დაჯარიმდა - 136 თანამდებობის პირი, გაფრთხილება მიეცა - 45 თანამდებობის პირს, მონიტორინგი შეწყდა - 31 თანამდებობის პირის დეკლარაციაზე, რის მიზეზსაც წარმოადგენდა ის გარემოება, რომ მათი თანამდებობიდან გათავისუფლების მომენტიდან ქონებრივი მდგომარეობის დეკლარაციის შერჩევამდე გასულია ერთ წელზე მეტი ვადა და არ წარმოადგენდნენ „კორუფციის წინააღმდეგ ბრძოლის შესახებ“ საქართველოს კანონის მე-2 მუხლით განსაზღვრულ თანამდებობის პირებს. ასევე, თანამდებობის პირების გარდაცვალების ან თანამდებობიდან გათავისუფლების შემდგომ საზღვარგარეთ მუდმივად ყოფნის ფაქტები.

2022 წლის განმავლობაში უარყოფითად შეფასებული თანამდებობის პირების დეკლარაციების შეფასების კრიტერიუმები შემდეგნაირად გადანაწილდა - 181 უარყოფითად შეფასებული დეკლარაციიდან:

• 31%-ს დარღვევა ჰქონდა უძრავი ქონების ნაწილში, სადაც გამორჩენილი იყო უძრავი ქონება ან/და არასწორად იყო მითითებული უძრავი ქონების რეალური ფართი;

• 65% შემთხვევებში არასწორად ან/და შეცდომით სხვა თარიღის მონაცემით იყო მითითებული საბანკო ანგარიშზე არსებული ნაშთი, ასევე არ იყო მითითებული მულტისავალუტო ანგარიშების შემთხვევაში სხვა ვალუტის ანგარიშები ან/და გამორჩენილი იყო ძველი საბანკო ანგარიშები;

• 34% დეკლარაციაში არ იყო დადეკლარირებული სამეწარმეო საქმიანობა ან არ იყო მითითებული ძველი საწარმოები, რომლებსაც ბოლო 3 წლის განმავლობაში ბრუნვა არ ჰქონიათ;

• 43% არ ჰქონდა სწორად დაანგარიშებული ხელშეკრულებით მიღებული მატერიალური შედეგი, ან არ იყო დადეკლარირებული ხელშეკრულება, რომლის ღირებულებაც აღემატება კანონმდებლობით დადგენილ დეკლარირებისათვის სავალდებულო ზღვარს;

• 61%-ს დარღვევა ჰქონდა საანგარიშო პერიოდში მიღებული შემოსავლის არასწორად დადეკლარირების გამო;

• 78% დეკლარაციების უარყოფითად შეფასდა ოჯახის წევრების მონაცემების არასწორად მითითების გამო;

• 29% თანამდებობის პირების დეკლარაციების უარყოფითად შეფასება განაპირობა მათ მიერ დოკუმენტაციის კანონით დადგენილ ვადაში წარმოუდგენლობამ.

2022 წლის განმავლობაში დასაბუთებული განცხადების საფუძველზე შემოწმდა 61 თანამდებობის პირი (დადებითად შეფასდა 3 დეკლარაცია, დაჯარიმდა - 47 და გაფრთხილება მიეცა - 11 თანამდებობის პირს)

შემთხვევითი შერჩევის სისტემით შერჩეული თანამდებობის პირებიდან შემოწმდა 316 დეკლარაცია, საიდანაც დადებითად შეფასდა - 162, დაჯარიმდა - 89, გაფრთხილდა - 34, წარმოება შეწყდა - 31 შემთხვევაში. ამასთანავე, 2022 წლის განმავლობაში შემოწმებულ თანამდებობის პირთა შორის მონიტორინგი განხორციელდა 27 საიდუმლო თანამდებობის პირზე, საიდანაც: დადებითად შეფასდა - 16, დაჯარიმდა - 10, გაფრთხილდა - 1

თანამდებობის პირებს შორის, რომელთა შევსებული დეკლარაციებიც უარყოფითად შეფასდა არიან პარლამენტის მოქმედი და ყოფილი დეპუტატები, მათ შორის გიორგი ვაშაძე, ლევან ხაბეიშვილი, ნონა მამულაშვილი, მამუკა ხაზარაძე., ანზორ ბოლქვაძე, ვასილ ჩიგოგიძე, ნატო ჩხეიძე, ფრიდონ ინჯია, ლევან იოსელიანი  და ა.შ