ჩვენი გეგმა არის მუდმივი პროტესტი და ხელის შეშლა. ,,გირჩი” ვფიქრობთ, რომ პროტესტი უნდა იყოს მიმართული პარალიზებისკენ, საბოტაჟისკენ და რესურსების გამოცლისკენ ,,ქართული ოცნებისთვის”, - ამის შესახებ ,,გირჩი - მეტი თავისუფლებას” ლიდერმა ზურაბ ჯაფარიძემ პარლამენტის შენობასთან მიმდინარე აქციაზე მედიასთან განაცხადა.

ჟურნალისტების კთხვას, აპირებს თუ არა პარლამენტის 9 ოპოზიციონერი დუპუტატის მსგავსად შიმშილობის დაწყებას, ჯაფარიძის შეფასებით, სანამ თავისუფალია, ,,შიმშილობა არ არის ის ფორმა, რომლითაც იბრძვის”.

,,ნებისმიერ პროტესტს აქვს აზრი, დღევანდელი აქციის მოთხოვნების რიგგარეშე არჩევნები, რომელიც უნდა ჩატარდეს სრულად პროპორციულად, ეს იყო მათ შორის ჩადებული 19 აპრილის შეთანხმებაში, ასევე ერთ-ერთი მოთხოვნა არის პრეზიდენტი სააკაშვილის გადაყვანა სამოქალაქო კლინიკაში. ამ ადამიანს ნებისმიერ დროს შეიძლება დაეწყოს ისეთი გართულება, რომლიდან მოტრიალება იქნება ძალიან რთული.

ნებისმიერ პროტესტს ვუჭერ მხარს, თუმცა ჩემი პოზიციაა, რომ მირჩევნია გარეთ გავაკეთო ისეთი რაღაც, რაც ხელს შეუშლის სახელმწიფო სტრუქტურებს მუშაობაში. თუ დამიჭერენ, მერე შესაძლოა, სხვა რამეზეც ვიფიქრო. სანამ გარეთ ვარ, შიმშილობა არ არის ის ფორმა, რომლითაც ვიბრძვი”, - აღნიშნა ზურაბ ჯაფარიძემ.

შეგახსენებთ, საქართველოს პარლამენტის შენობასთან სამოქალაქო მოძრაობა ,,სირცხვილიას” მიერ ორგანიზებული აქცია იმართება. დღევანდელი აქციის ორი მთავარი მოთხოვნა ვადამდელი სრულად პროპორციული არჩევნების ჩანიშვნა და მესამე პრეზიდენტი მიხეილ სააკაშვილის მულტიპროფილურ სამოქალაქო კლინიკაში გადაყვანაა.

ხვალ,15 ნოემბერს, 15:00 საათიდან 17:00 საათამდე "ნაციონალური მოძრაობა" საავტომობილო მოძრაობის გადაკეტვას აანონსებს. პარტიის ლიდერმა, ნიკა მელიამ სოციალურ ქსელში მოქალაქეებს მოუწოდა, რომ ხვალ საავტომობილო გზაების გამოყენება არ დაგეგმონ.

შეგახსენებთ, საქართველოს პარლამენტის ცხრა ოპოზიციონერი წევრი შიმშილობას იწყებს. „ერთიანი ნაციონალური მოძრაობის“ წევრის დავით კირკიტაძის, განმარტებით, შიმშილობა იქამდე გაგრძელდება, ვიდრე საქართველოს მესამე პრეზიდენტს მიხეილ სააკაშვილს მულტიპროფილურ სამოქალაქო კლინიკაში არ გადაიყვანენ.  შიმშილობას მიმართავენ: დავით კირკიტაძე, აკაკი მინაშვილი, თემურ ჯანაშია, ბაჩუკი ქარდავა, ნიკა მაჭუტაძე, გიორგი გოდაბრელიძე, სულხან სიბაშვილი, ლევან ბეჟაშვილი, აბდულა ისმაილოვი. კირკიტაძე დარწმუნებულია, რომ მათ ინიციატივას შეუერთდება უფრო მეტი პარლამენტის წევრი და შიმშილობა უფრო ფარტო მასშტაბს მიიღებს.