"რასაც ხელისუფლება აკეთებს, ჩვეულებრივი ,,მელკი სადიზმია“, - ამის შესახებ ფოთში ოპოზიციის ნაწილის მერობის კანდიდატმა განაცხადა, რითაც უპასუხა საქართველოს მესამე პრეზიდენტის მიხეილ სააკაშვილის ჰოსპიტალიზაციასთან დაკავშირებით კითხვას. უგლავას შეფასებით, ეს ხელისუფლების სადისტური აკვიატებაა, რაც ძალიან სახიფათოა.
,,რასაც ხელისუფლება აკეთებს ეს არის ჩვეულებრივი, ,,მელკი სადიზმი“ , იმას რასაც ესენი ჩადიან. ყველამ კარგად იცის, რომ პენიტენციურ დაწესებულებას აქვს ხელშეკრულება მათ შორის ,,ვივა მედდთან“ . ძალიან ხშირად ყოფილა, რომ პატიმარი გადაუყვანიათ საჭიროების შემთხვევაში ასეთ კლინიკაში. მაგალითად, გვახსოვს ვანო მერაბიშვილი ჰყავდათ გადაყვანილი. ეს არის ძალიან ჩვეულებრივი, პრაქტიკული. მეორეს მხრივ ეს აკვიატება, რომ გლდანის ციხეში მიიყვანონ ეს არის სადისტური აკვიატება, სახიფათო აკვიატება. მე ვიცი, რა გეგმა აქვთ თავში, იმიტომ რომ, როცა მე დამიჭირეს 2014 წელს, სპეციალურად მიმიყვანეს გლდანის ციხეში, მაშინ როდესაც ყველამ იცოდა, რომ „მატროსოვზე“ გადამიყვანდნენ. სპეციალურად იქ კორპუსები დგას, ამ კორპუსებში გატარებენ იქ და სპეციალურად ადმინისტრაცია აფრთხილებს კრიმინალებს, რომ ფსიქოლოგიური ტერორი მოაწყონ. ივანიშვილი არის სადისტი, გამოზარდა სადისტების ჯგრო, ოღონდ, ამასთანავე ეს მეწვრილმანე ,,მელკი“ სადიზმია, რასაც ესენი აკეთებენ. ადამიანის ჯანმრთელობაზე ასეთი სახიფათო თამაში არის უბრალოდ არაადამიანური და ამას არანაირი გამართლება არა აქვს“, - განაცხადა გიგი უგულავამ.
წყარო: მთავარი Tv