ახალ რობოტს შეუძლია დაეხმაროს პაციენტებს, რომლებიც კარგავენ წონასწორობას, სანამ მიწაზე დაეცემიან. მკვლევარები იმედოვნებენ, რომ მათ გაყიდვას მომავალ წელს დაიწყებენ — აღნიშნულის შესახებ ინფორმაციას Business Insider-ი აქვეყნებს.  

Mister Bah-ი ან მობილური რობოტის ბალანსის ასისტენტი - არის მოტორიზებული მანქანა, რომელიც აღჭურვილია სენსორებით.

მკვლევარები მიზნად ისახავენ ხანდაზმულ მოსახლეობას მიაწვდინონ აღნიშნული მოწყობილობა, რადგან დაცემა 65 წელზე უფროსი ასაკის ადამიანებისთვის სიკვდილის ერთ-ერთი მთავარი მიზეზია მსოფლიოში.

CDC-ის მონაცემებით, აშშ-ში დაცემა 65 წელზე უფროსი ასაკის ადამიანებს შორის დაზიანებებთან დაკავშირებული სიკვდილიანობის მთავარი მიზეზია.

წამყვანმა მკვლევარმა Wei Tech Ang-მა განუცხადა Insider-ს, რომ მოწყობილობა ასევე დაეხმარება პაციენტების აქტიური ცხოვრების შენარჩუნებაში.

ბევრი პაციენტი, რომელსაც  დაცემის ეშინია, არ დადიან, უბრალოდ სხედან მთელი დღე, - განუცხადა Insider-ს წამყვანმა მკვლევარმა Wei Tech Ang-მა.

მანქანა მიჰყვება ხანდაზმულ პაციენტებს, როდესაც ისინი ყოველდღიურ დავალებებს ასრულებენ, დაწყებული ჯდომით და ფეხზე დგომით წყლის დაჭერამდე. როდესაც Mister Bah-ი  გრძნობს, რომ პაციენტი წონასწორობის კარგავს, ის ხელს უშლის მათ დაცემას.

პირველადმა კლინიკურმა კვლევებმა, აჩვენა, რომ რობოტი წარმატებით აფერხებდა ყოველ დაცემას. პაციენტებში შედიოდნენ ადამიანები ტვინისა და ზურგის ტვინის დაზიანებებით. 

ანგმა აღნიშნა, რომ მან დაიწყო რობოტის ასისტენტის იდეის შესწავლა მას შემდეგ, რაც დაინახა, როგორ იმოქმედა წონასწორობის დაკარგვამ მის მოხუც დედაზე.

ახლა გუნდს სურს ცდების ჩატარება სხვადასხვა გარემოში.  მიზანია საავადმყოფოებისთვის მაღალტექნოლოგიური ვერსიის და პირადი სარგებლობისთვის სახლის ვერსიის მიწოდება, მაგრამ გუნდმა უნდა მოაგროვოს მილიონობით სახსრები, რომ ეს რეალობად იქცეს, — იტყობინება Washington Post.

წყარო: insider.com