Next Door-ი, არქი, თბილი სახლი, ანაგი და X2  — ეს იმ დეველოპერული კომპანიების ჩამონათვალია, რომლებიც ცენტრ-პოინტისგან დაზარალებულების 15 წლიანი პრობლემის მოგვარების პროცესში ჩაერთნენ და აუშენებელი თუ დაუსრულებელი საცხოვრებელი ობიექტების მშენებლობას განახორციელებენ. რამდენიმე დღის წინ, დაზარალებულებს, მერიის წარმომადგენლებსა და სამშენებლო კომპანიებს შორის წარდგენითი ხასიათის შეხვედრა შედგა, სადაც სხვადასხვა კომპანიებმა, შესაბამისი ობიექტების პროექტები წარუდგინეს დაზარალებულებს. შემდეგ კომისიამდე ცოტა დრო დარჩა, თუმცა მობინადრეების ნაწილს გარკვეული პოზიცია უკვე აქვს იმასთან დაკავშირებით, თუ რომელი ობიექტი, რომელი კომპანიის მიერ უნდა აშენდეს და ვის მიენიჭოს უპირატესობა. 

დაზარალებულების განსაკუთრებული ნდობითა და სიმპათიით კომპანია Next Door-ი სარგებლობს. რომელთა პროექტმა დაკიდებული ბაღების ობიექტზე (მარშალ გელოვანის გამზირი)  დიდი მოწონება დაიმსახურა და აღნიშნულ პროექტზე მუშაობა უკვე დაწყებულია.

ანაგი დეველოპმენტის მიერ შეთავაზებული პროექტი ხოშარაულის ობიექტის დაზარალებულებისთვის:

კომპანია X2-ის მიერ შემოთავაზებული პროექტი დაკიდებულ ბაღებზე:

კომპანია არქის მიერ შემოთავაზებულ პროექტის მაკეტი გურამიშვილის (ღრმაღელე) ობიექტისთვის:

დეველოპერული კომპანია Next Door-ის მიერ შემოთავაზებული პროექტის ვიზუალიზაცია სააკაძის 1-2 ობიექტზე:

ჯერჯერობით გაუკვეველია ე.წ. მარიჯანის ობიექტის დაზარალებულთა საცხოვრებელს რომელი კომპანია ააშენებს. 

როგორც ცნობილია, წლების წინ, იმის ნაცვლად,  რომ საკუთარი მეანაბრეების გადახდილი ფულით „ცენტრ-პოინტს“ ბინები აეშენებინა, კომპანიამ ამ თანხით კონკრეტული მიწები შეიძინა, რომელიც „ცენტრ-პოინტის“ ბალანსზეა. ხოლო მათთვის ბრალის დამტკიცების შემდეგ, სასამართლოს გადაწყვეტილებით პროკურატურამ ეს ქონება დააყადაღა.

„ცენტრ-პოინტისგან“ დაზარალებული 6000-მდე ოჯახიდან ნაწილი უბინაოდაა დარჩენილი, ზოგი  დაუმთავრებელ შენობაში ცხოვრობს.  მათი საკუთრების სრულყოფაში მოყვანას მერიის მიერ გაკეთებული მიახლოებითი ხარჯთაღრიცხვით  40 000 ლარი სჭირდება. ეს თანხა საჭიროა იმისთვის, რომ დაზარალებულების ბინები აშენდეს, ელექტროსისტემა მოწესრიგდეს, გაკეთდეს ლიფტები, დასრულდეს ყველა ის აუცილებელი კომპონენტი, რაც საჭიროა იმისთვის,  რომ ამ ოჯახებმა პირობები გაიუმჯობესონ და მათი 15 წლიანი პრობლემა აღმოიფხვრან.

2017 წლის 27 სექტემბერს, ცენტრ–პოინტის სამეთვალყურეო საბჭოს თავმჯდომარემ გუკა რჩეულიშვილმა ჟურნალისტებს განუცხადა, რომ „ცენტრ პოინტი“ გაიყიდა. მისივე თქმით, „ცენტრ პოინტი“ ერთმა კომპანიამ შეიძინა, თუმცა, კიდევ ერთი ინვესტორი, კომპანია X2   „ცენტრ პოინტის“ 2 ობიექტზე, ყიფშიძისა და კრწანისის მშენებლობაზე მუშაობდა, რომელიც დაასრულა.

შეგახსენებთ, რომ თბილისის საქალაქო სასამართლომ „ცენტრ პოინტის“ დამფუძნებლებს მაია რჩეულიშვილსა და რუსუდან კერვალიშვილს 4-4 წლით თავისულების აღკვეთა შეუფარდა. საგამოძიებო უწყება მათ 11 მილიონი ლარზე მეტის მითვისებას ედავებოდა.

მარიამ მორგოშია