საქართველოს უშიშროების საბჭოს ყოფილი მდივანი, კახა ლომაია, სოციალურ ქსელში რუსეთ-უკრაინის ომის მეოთხე დღეს (დილა) აჯამებს. კომერსანტი მის პოსტს უცვლელად გთავაზობთ:
"როგორც ჩანს, უკრაინამ მოიგერია აგრესორის წუხანდელი შეტევები. სანამ დეტალებს შევაგროვებდე, თვალი გადავავლოთ რუსეთზე დაწესებულ დასავლურ სანქციებს. სანქციები შეეხო პოლიტიკას, ეკონომიკას, ბიზნესს, ფინანსებს, საინფორმაციო საშუალებებს, ხელოვნებას და სპორტს.
ეკონომიკა
1. გერმანიამ შეაჩერა გაზპრომის 11 მილიარდდოლარიანი პროექტი ნორდსტრიმ-2-ის სერტიფიცირება.
2. ევროკავშირმა შეწყვიტა ყველა რუსული ავიაკომპანიისთვის მიქირავებული ავიალაინერების ლიზინგი და 28 მარტამდე მოითხოვა ავიალაინერების დაბრუნება. საუბარია რუსული კომპანიების ფლოტის დაახლოებით 50%-ზე.
3. ყველა რუსულ ავიაკომპანიას აეკრძალა ფრენა ევროკავშირის საჰაერო სივრცეში.
4. ინტელმა და ARD-მა შეწყვიტეს რუსეთისტვის ინუდსტრიული პროცესორების მიწოდება, აშშ-ს მიერ დაწესებული საექსპორტო აკრძალვების ფარგლებში.
ფინანსები
1. ყადაღა დაედო რუსეთის ცენტრალური ბანკის აქტივებს ევროკავშირსა და აშშ-ში.
2. ყადაღა დაედო ექვსი უმსხვილესი რუსულ ბანკის, მათ შორის ვნეშეკონომბანკის, გაზპრომბანკის, ალფა-ბანკის და ვითიბის-ს აქტივებს აშშ-ში და ევროკავშირში.
3. სანქცირებულ ბანკებს აეკრძალათ ოპერაციები დოლარებში, ევროში, გირვანქა სტერლინგსა და იენაში.
4. გლობალური საბანკო გადარიცხვების სისტემა SWIFT-მა შეწყიტა სანქცირებული რუსული ბანკების მომსახურება.
5. მასტერ-კარდმა და ვიზამ შეწყვიტეს სანქცირებული რუსული ბანკების ბარათების მომსახურება რუსეთის საზღვრებს გარეთ.
6. ყადაღა დაედო რუსი ოლიგარქების აქტივებს დიდ ბრიტანეთში. რომან აბრამოვიჩი იძულებული გახდა უარი ეთქვა ჩელსის მფლობელობაზე.
7. შეიქმნა ტრანსატლანტიკური მიზნობრივი ჯგუფი (აშშ, დიდი ბრიტანეთი, კანადა, გერმანია და იტალია), რომელიც
მოიძიებს და დააყადაღებს რუსული პოლიტიკური და ბიზნეს ელიტის დაფარულ ანგარიშებს.
8. უმსხვილესი რუსული ბანკ სბერბანკის ანგარიშებს აშშ-ში ყადაღა დაედო.
1. დაყადაღდა პუტინის და ლავროვის აქტივები აშშ-ში, ევროკავშირში, დიდ ბრიტანეთსა და კანადაში.
2. რუსეთის პარლამენტის ყველა წევრს აეკრძალა ევროკავშირის სახელმწიფოებში შესვლა. ევროკავშირსი შესვლა ასევე აეკრძალა საგარეო სამეთა სამინისტროს პრეს-მდივანს ზახაროვას.
ინფორმაცია
1. გერმანიამ აკრძალა რაშა თუდეის მაუწყებლობა თავის ტერიტორიაზე.
2. ფეისბუკმა და იუთუბმა რუსულ სამთავრობო მედიას, მათ შორის, რაშა თუდეის, აუკრძალეს რეკლამის მეშვეობით შემოსავლების მიღება.
3. ინსტაგრამმა დაბლოკა კადიროვის ანგარიში.
4. იუთუბმა დაბლოკა რამდენიმე რუსული პროპაგანდისტული არხი.
5. ევროკავშირში და აშშ-ში შესვლა აეკრძალათ რუსეთის მთავარ პროპაგანდისტებს სოლოვიოვს და სიმონიანს.
ხელოვნება
1. ნიუ-იორკის კარნეგი ჰოლმა აუკრძალა რუს მუსიკოსებს გერგიევსა და მაცუევს კონცერტების ჩატარება.
2. მიუნხენის ბურგომისტრმა გერგიევს, რომელიც ამ ქალაქის ორკესტრის მთავარი დირიჟორია, მოსთხოვა 28 თებერვლამდე საჯაროდ გაემიჯნოს პუტინს. წინააღმდეგ შემთხვევაში, გერგიევს კონტრაქტს შეუწყვეტენ. ეს ის გერგიევია, ცხინვალში კონცერტი რომ ჩაატარა.
2. ევროვიზიამ რუსეთს კონკურსში მონაწილეობა აუკრძალა.
სპორტი
1. უეფამ ჩემპიონთა თასის ფინალი პეტერბურგიდან პარიზში გადაიტანა.
2. საერთაშორისო ოლიმპიურმა კომიტეტმა მოუწოდა ყველა სპორტულ ფედერაციას რუსეთში დაგეგმილი ყველა ღონისძიების გაუქმება.
3. ფორმულა-1-მა გააუქმა რუსეთის რბოლა.
4. პოლონეთის და შვედეთის ნაკრებებმა უარი თქვეს რუსებთან თამაშზე.
5. რაგბის ევროპის კავშირმა რუსეთის ნაკრებს აუკრძალა მატჩების რუსეთში ჩატარება.
6. ფრენბურთის ევროპულმა ფედერაციამ გააუქმა რუსეთში ჩასატარებელი ტურნირი", -
კახა ლომაია
