მუნიციპალიტეტის ორგანოთა 2021 წლის 30 ოქტომბრის არჩევნების - II ტურზე, ცესკოს პირველადი მონაცემებით, თვითმმართველ ქალაქებში - ბათუმი, რუსთავი, ქუთაისი და ფოთი მმართველი პარტიის კანდიდატები იგებენ.

ცესკოს მიერ გამოქვეყნებული ინფორმაციით, რუსთავში, 88 უბნიდან ყველაა დათვლილი და შედეგები შემდეგნაირად გადანაწილდა - „ქართული ოცნების“ მერობის კანდიდატი ნინო ლაცაბიძე 53,717%, ხოლო „ნაციონალური მოძრაობის“ მერობის კანდიდატი დავით კირკიტაძე 46,283%.

ასევე დათვლილია ქუთაისში 124 უბნიდან დათვლილია 124 უბანი. საარჩევნო უბანი. „ქართული ოცნების“ კანდიდატს იოსებ ხახალეიშვილს 51,643 %, ხოლო ხატია დეკანოიძეს 48.357 % აქვს.

რაც შეეხება ბათუმს, ბათუმში, 105 უბნიდან დათვლილია 105 უბანი. „ქართული ოცნების“ კანდიდატს არჩილ ჩიქოვანს ხმების 51,018% აქვს, ხოლო “ნაციონალური მოძრაობის“ მიერ წარდგენილ მერობის კანდიდატს გიორგი კირთაძეს მხარი ამომრჩევლის 48,982%-მა დაუჭირა.

ფოთში 33-ვე უბანია დათვლილი და პროცენტული მაჩვენებელი შემდეგნაირადაა გადანაწილებული - „ქართული ოცნების“ მერობის კანდიდატს ბექა ვაჭარაძეს 57,35%, ხოლო „ერთიანი ნაციონალური მოძრაობის“ მიერ წარდგენილ მერობის კანდიდატს გიორგი უგულავას - 42,65% აქვს.

რაც შეეხება, დედაქალაქს, მუნიციპალიტეტის ორგანოთა 2021 წლის 30 ოქტომბრის არჩევნების - II ტურში ცესკო-ს ბოლო მონაცემებით, თბილისშიც არჩევნები „ქართულმა ოცნებამ“ მოიგო.

დედაქალაქში არსებული 769 უბნიდან ცენტრალურ საარჩევნო კომისიაში ამ დროისთვის 740 უბნის შემაჯამებელი ოქმია შესული, რომლის მიხედვითაც, არჩევნების მეორე ტურში კახა კალაძემ გაიმარჯვა.

ცესკოს მიერ გამოქვეყნებული ინფორმაციით, „ქართული ოცნების“ თბილისის მერობის კანდიდატს, კახა კალაძეს 55.55% აქვს, ხოლო „ერთიანი ნაციონალური მოძრაობის“ მერობის კანდიდატს ნიკანორ მელიას - 44.44%.