რუსული Forbes-ი საქართველოს რუსებისთვის ბინადრობის ნებართვის მისაღებად „ახალ კვიპროსს“ უწოდებს

რუსული Forbes-ი საქართველოს რუსებისთვის ბინადრობის ნებართვის მისაღებად „ახალ კვიპროსს“ უწოდებს

access_time2022-11-08 16:00:10

რუსული Forbes საქართველოს რუსებისთვის ბინადრობის ნებართვის მისაღებად „ახალ კვიპროსს“ უწოდებს.


გამოცემის მიერ გამოკითხული ექსპერტების შეფასებით, საქართველოში მოქმედებს პროგრამა, რომლის მიხედვითაც ბინადრობის ნებართვა უძრავი ქონების ინვესტიციისთვის გაიცემა. უძრავი ქონების სააგენტო Tranio-ს კომერციულმა დირექტორმა, ელენა მილიშენკოვამ Forbes-ს განუცხადა, რომ საქართველოში ბინადრობის უფლების მისღებად, მინიმუმ, 100 000 დოლარის ღირებულების უძრავი ქონების შეძენა არის საჭირო. მისი ცნობით, „საქართველოს ბინადრობის ნებართვის პროგრამაში საინვესტიციო ობიექტი შეიძლება იყოს როგორც საცხოვრებელი, ასევე, კომერციული უძრავი ქონება.“


მილიშენკოვა განმარტავს, რომ „ქვეყანაში 10-წლიანი მუდმივი ცხოვრებისა და უძრავი ქონების ფლობის შემდეგ უვადო ბინადრობის ნებართვის გაფორმება არის შესაძლებელი.“ მისი თქმით, 300 000 დოლარზე მეტი ღირებულების უძრავ ქონებაში ინვესტიციის სანაცვლოდ დაუყოვნებლივ ხუთწლიანი ბინადრობის ნებართვა გაიცემა, ხოლო ამ ვადის გასვლის შემდეგ მუდმივი ბინადრობის სტატუსის მოთხოვნა არის შესაძლებელი. ამისთვის ინვესტორმა უნდა შეინარჩუნოს 300 000 დოლარზე მეტი ღირებულების უძრავი ქონება ხუთი წლის განმავლობაში, ხოლო უვადო რეზიდენტობა, სურვილის შემთხვევაში, მოქალაქეობის მიღების საშუალებასაც იძლევა.



„ამავდროულად, რუსეთის მოქალაქეებს ბინადრობის ნებართვის აღების გარეშე საქართველოში დარჩენა ერთი წლის განმავლობაში შეუძლიათ და ხელისუფლება ჯერ არ აპირებს სავიზო მოთხოვნების გამკაცრებას,“ - ამბობს Intermark Real Estate-ის (ყოფილი Savills-ის) პარტნიორი, ირინა მოშევა.


რუსულმა Forbes-მა საქართველოში ბინების საშუალო ღირებულების შესახებ კომპანია Tranio-ს მონაცემები მოიპოვა. 1-ელ ნოემბრის მდგომარეობით, კვ.მეტრის ფასი 1 350 ევროს აღწევდა, მაშინ, როცა ერთი წლის წინ ეს მაჩვენებელი 1050 ევრო იყო. მილიშენკოვა განმარტავს, რომ „ევროში ნომინალური ფასების ზრდამ წელს 29% შეადგინა, თუმცა მსოფლიო ვალუტებთან მიმართებაში ევროს შესუსტების გათვალისწინებით, ბინების რეალური გაძვირება შესაძლოა, 5-7%-მდე მაჩვენებლით შეფასდეს.“ მისი თქმით, ამჟამად ბინის საშუალო ფასი საქართველოში 126 600 ევროა, მაშინ, როცა ერთი წლის წინ 95 200 ევრო იყო.


Tranio-ს მონაცემებით, მიმდინარე წლის პირველ სამ კვარტალში საქართველოში უძრავ ქონებაზე რუსების მოთხოვნა, 2021 წლის ანალოგიურ პერიოდთან შედარებით, 149%-ით გაიზარდა. ამავე პერიოდში საქართველოში უძრავი ქონების შესყიდვის მედიანური ბიუჯეტი 57 000-დან 100 000 ევრომდე გაიზარდა. ელენა მილიშენკოვას შეფასებით, „ამ ბიუჯეტის 75%-იანი წლიური ზრდა განპირობებულია იმ კლიენტების წილის ზრდით, რომლებიც საქართველოში საინვესტიციო ბინადრობის ნებართვის პროგრამაში მონაწილეობისთვის უძრავ ქონებას ყიდულობენ.“



წყარო: bpn.ge




„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up