"საშუალო ევროპულ მაჩვენებელზე 8 ათასი ადამიანით მეტი მოგვიკვდა კოვიდით, ხოლო მილიონ მოსახლეზე სიკვდილიანობით მსოფლიოში მე-6 ადგილზე გავედით. ეს გამოაცხადეს პანდემიაზე გამარჯვებად და იგივე ხალხი “მართავს” ქვეყანას", - ამის შესახრბ სოციალურ ქსელ ფეისბუქში ეროვნული ბანკის ყოფილი პრეზიდებტი გიორგი ქადაგიძე წერს. მისი თქმით მთელი სახელისუფლებო პროპაგანდა გვიმტკიცებს, რომ რუსეთი, ბელორუსი და სირია არის მშვიდობა და კეთილდღეობა, ხოლო ბელგია, ნიდერლანდები და ბრიტანეთი არის ომი და გასაჭირი.

"მესამე პრეზიდენტი (როგორ ეპყრობიან მას დიდი ხანია ეროვნული თავმოყვარების ამბავია და არა პოლიტიკური გემოვნების) და მთავარი ოპოზიციური არხის მფლობელი ციხეშია მიზეზით, რომლითაც მთელი მთავრობა მყისიერად დასაჭერია. სრულიად ევროპარლამენტი და დასავლეთი პოლიტიკური ანგარიშსწორების შეწყვეტისკენ მოგვიწოდებს, ხოლო ქვეყნის ოფიციალური დელეგაციები დიდი ხანია კეთროვანებივით დადიდან ევროპულ დერეფნებში.

პოლიტიკას, რომლის შედეგად 700 ათასი ადამიანი სოციალურ დახმარებას იღებს, ხოლო ქვეყნიდან გაქცევა ყველაზე განხილვადი თემაა ეკონომიკურ სასწაულად აცხადებენ.

ერთადერთი ვინც ქვეყანას ნამუსს უნახავს, ჩვენი გმირი მებრძოლები, ყოველდღიურად დამცირების ობიექტებად აქციეს, დაღუპული გმირების ხსოვნასაც კი ფეხქვეშ თელავენ საუკეთესო ბოლშევიკურ ტრადიციებში.

საქართველოს დაეპატრონა ოლიგარქი, რომლის “მთავრობამ” მტერთან კოლაბორაცია და მეგობრების ღალატი სახელმწიფო პოლიტიკად გამოაცხადა. თავს გვჭრიან ყველგან და ყველაფერში სადაც კი ხელი მიუწვდებათ.

ევროპული პერსპექტივის ისტორიულ შანსს, ჩვენ და ჩვენ შვილებს გვაკარგინებენ და თან ცინიკრად დაგვცინიან.

ამ რეალობაში არსებობს მხოლოდ ერთი გამოსავალი. ერთიანობა, წინააღმდეგობა და დაუმორჩილებლობა! არ არის საჭირო პროცესს ყველა ეტაპზე ერთი ლიდერი ყავდეს, საჭიროა ავარჩიოთ ის ლიდერები ვისაც ვენდობით და მათ დავუჭიროთ მხარი. ზოგი რეგიონში მოაწყობს აქციებს, ზოგი სტუდენტურ მოძრაობებს გააცოცხლებს, ნაწილი პარტიების კონსოლიდაციას ეცდება, ნაწილი თავისი მიმდევრების გააქტიურებას, ნაწილი სამოქალაქო საპროტესტო აქციებს გამართავს, ნაწილი დასავლეთში კიდევ უფრო დიდი მხარდაჭერის მოპოვებას ეცდება, ყველანი ჩვენი გავლენის სფეროებში უნდა გავაქტიურდეთ და ა.შ.

საბოლოოდ, ყველანი ვინც ევროპული და ევროატლანტიკური იდეისთვის და ბრძოლისთვის მზად ვართ, ბარიკადების ერთ მხარეს ვიდგებით და ეს დრო ძალიან სწრაფად მოვა.

დიდება გმირებს! დიდება ჩვენი გმირი მებრძოლების ხსოვნას!"- წერს გიორგი ქადაგიძე.