სენტ-ლუსიაში მოხვედრა გამარტივდება. საქართველოს ორდინალური პასპორტების მფლობელთათვის სენტ-ლუსიაში მოხვედრა ვიზის გარეშე გახდება შესაძლებელი, თუმცა მის ძალაში შესვლამდე გარკვეული შიდასახელმწიფოებრივი პროცედურებია გასავლელი.
როგორც მთავრობის №476 დადგენილებაშია აღნიშნული, საქართველოს მთავრობასა და სენტ-ლუსიას მთავრობას შორის 19 სექტემბერს ხელმოწერილი ორდინალური პასპორტების მფლობელთა ვიზის მიღების ვალდებულებისაგან გათავისუფლების შესახებ“ შეთანხმება გაფორმდა.
პრემიერმა საგარეო საქმეთა სამინისტროს დაავალა აღნიშნულის შესახებ აცნობოს საქართველოს პრეზიდენტსა და საქართველოს პარლამენტს ამ დადგენილების პირველ მუხლში აღნიშნული შეთანხმების დადების შესახებ.
საგარეო საქმეთა სამინისტრო საიტზე განთავსებული ინფორმაციის მიხედვით, საქართველოს ორდინალური პასპორტების მფლობელებს საზღვარგარეთ უვიზოდ მიმოსვლის შესაძლებლობა 61 ქვეყანაში აქვთ.
რაც შეეხება სენტ-ლუსია სახელმწიფოს ის ამავე სახელწოდების კუნძულზე, კარიბის ზღვაში, მცირე ანტილის კუნძულების სამხრეთ-აღმოსავლეთ ნაწილში მდებარეობს.
მისი დედაქალაქია კასტრი, ხოლო ოფიციალური ენა - ინგლისური.
სენტ-ლუსია
