სანქცირებული მოსამართლის ლევან მურუსიძის აზრით, ამერიკის შეერთებულ შტატების საელჩოს საქართველოში სასამართლო ხელისუფლების მისაკუთრება სურს.
„იმდენმა მოსამართლემ გამოხატა მხარდაჭერა ჩემს მიმართ, მე გონი ისე მიდის სიტუაცია რომ რასაც ეს სანქციები ითვალისწინებდა, რომ სასამართლო სისტემაში წავიდოდა არაჯანსაღი პროცესები და მოხდებოდა არეულობა და დაქვემდებარება სასამართლო სისტემის აშშ-ის საელჩოსადმი, მეეჭვება რომ მოხდეს, თუმცა ვფიქრობ, რომ ისინი ამაზე არ გაჩერდებიან და ხანდახან იმაზეც ვფიქრობ, რომ შეიძლება სიცოცხლის მოსპობაზეც წავიდნენ. იმდენად დიდი მიზანი არის მათი, სასამართლო ხელისუფლება ჩაიგდონ ხელში
აშშ-ის საელჩოს უნდა სასამართლო ხელისუფლების მისაკუთრება, ეს არის მესიჯი სასამართლო კორპუსის მიმართ. როგორც კელი დეგნანი იძახდა, რომ ეს გადაწყვეტილება არის უსამართლო და დაუსაბუთებელიო მრავალ გადაწყვეტილებაზე, მოსამართლეებს ეუბნებიან შემდეგს - ან მიიღებთ იმ გადაწყვეტილებას, რაც ჩვენთვისაა მისაღები, ან ისე მოგექცევით როგორც ვექცევით კონკრეტულ შემთხვევაში ლევან მურუსიძეს,“- განაცხადა ლევან მურუსიძემ.