5 ივლისს ჩვენ ვნახეთ, რომ ხელისუფლების მხრიდან წაქეზებულმა და მხარდაჭერილმა ჯგუფებმა იძალადეს ჟურნალისტებზე, - ამის შესახებ „სტრატეგია აღმაშენებლის“ წევრმა თეონა აქუბარდიამ „ქრონიკასთან“ საუბრისას განაცხადა. მისი თქმით, მომხდარზე პასუხისმგებლობა პირველ რიგში მთავრობის წარმომადგენლებს ეკისრებათ.
„ჩვენ ვნახეთ, როგორი ნაცემი იყო ლექსო და სამწუხაროდ, ჩვენ ვხედავთ დღეს, რომ პასუხისმგებლობის აღებაც კი არ უნდათ იმაზე, თუ რატომ ვერ დაიცვეს ჟურნალისტები. აბსოლუტურად ერთიანები ვართ მოთხოვნაში, რომ უნდა გადადგეს პრემიერი, რომელმაც წაახალისა მთელი ეს უბედურება. უნდა გადადგეს შინაგან საქმეთა მინისტრი, ასევე ბატონი ლილუაშვილი, რომელმაც ვერაფერი გააკეთა იმისთვის, რომ ეს ძალადობა არ ყოფილიყო და პირიქით, ჩვენ ვხედავთ, რომ ეს არის ერთიანი ოპერაცია ჩვენს დემოკრატიაზე, ამიტომ ყველა მექანიზმს გამოვიყენებთ იმისთვის, რომ გადადგეს მთავრობა“, - აღნიშნა თეონა აქუბარდიამ.
imedinews.ge