პარლამენტის ბიუროს სხდომა ე.წ. აგენტების კანონპროექტის განხილვა ხმაურის და დაპირისპირების ფონზე მიმდინარეობს. დეპუტატმა ხათუნა სამნიძემ კანონპროექტის მხარდამჭერ დეპუტატებს მიმართა, რომ ამ კანონპროექტის მიღებით კანონპროექტის ინიციატორები ქვეყანას ანგრევენ, საზოგადოებას ხლეჩენ და პუტინის და რუსეთის ინტერესებს იცავენ.

„ქვეყანას ანგრევთ, თქვე საცოდავებო, და რეიტინგებზე მელაპარაკებით? თქვენ ხართ ქვეყნის მტრები, ქვეყნის პუტინის და რუსეთის გზაზე დამყენებლები. სხდომა ტარდება და მთელი სხდომის განმავლობაში გარშემო დგას სუსი. თქვენ ხართ რუსეთის ინტერესები გამტარებლები, კაცები, რომლებიც კანონპროექტს შემოიტანენ  და ვერ გაბედავენ, რომ ენჯეოებს მოუსმინონ, გაყრიან კაც დეპუტატებს და მერე სუსს მოგვისევენ, ეს არის საშინელება.

აგენტები უნდა უწოდო ადამიანებს, რომლებიც 30 წელზე მეტია მუშაობენ ქვეყნის ინტერესიდან გამომდინარე და ისინი არიან ამ ქვეყნის აგენტები?

რასაც გთხოვდით იყო, რომ გადაგვეტანა სხდომა და ჩაგვეტარებინა დიდ დარბაზში, სადაც ყველა იქნებოდა, ყველა ილაპარაკებდა, არ იქნებოდა ჩხუბი და საზოგადოება დაინახავდა - ის, ვინც მოაწერა ხელი კანონპროექტს, არის რუსების ინტერესების გამტარებელი. თქვენ ანგრევთ ამ ქვეყანას და ხლეჩთ. გინდათ აგენტები უწოდოთ ნახევარ ქვეყანას. მოღალეტეები ხართ ამ ქვეყნის“, - განაცხადა ხათუნა სამნიძემ.