„ფლანგვის დეტექტორმა“ მორიგი კვლევის შედეგები გამოაქვეყნა. არასამთავრობო ორგანიზაციის მონაცემებით, თბილისის მერიამ დეკემბერში ორი ტენდერი გამოაცხადა და ორივე მათგანის ერთადერთი პრეტენდენტი შპს „გრინსერვის+“-ია.
ამ ტენდერებში გათვალისწინებული ინფრასტრუქტურული სამუშაოების შესრულება კომპანიამ მერიას ჯამში 9.99 მილიონ ლარად შესთავაზა. თუკი რაიმე მიზეზით ტენდერი არ ჩაიშალა, ორივე ხელშეკრულება ისევ ამ კომპანიასთან გაფორმდება.
შეგახსენებთ, რომ შპს „გრინსერვის+“ არის კომპანია, რომელიც ვაკის პარკში შადრევნისა და კასკადის რეაბილიტაციას ახორციელებდა.
ახალ რეაბილიტირებულ შადრევანს, რაშიც კომპანიას 13 მილიონი ლარი გადაუხადეს, ვაკის პარკში ბავშვის სიცოცხლე ემსხვერპლა.
შპს „გრინსერვისი+“ სახელმწიფოს შესყიდვებში 2013 წლიდან მონაწილეობს და დღემდე 73 მილიონზე მეტი ღირებულების ტენდერი აქვს მოგებული.
2013 წელს ამ კომპანიის მესაკუთრეები სამეწარმეო საქმიანობაში უკანონო მონაწილეობისა და უკანონო შემოსავლის ლეგალიზაციისთვის გაასამართლეს.
ფლანგვის დეტექტორი
