გავრცელებულმა ბრალდებებმა, ხმების ყიდვასთან, ადმინისტრაციული რესურსის არასათანადო გამოყენებასთან, დაშინებასთან და ზეწოლასთან, რომლებიც ხორციელდებოდა ამომრჩევლებსა და კანდიდატებზე, გააჩინა კითხვის ნიშნები ამომრჩევლების შესაძლებლობაზე ხმა მიეცათ უანგაროდ, რაც ეწინააღმდეგება საერთაშორისო სტანდარტებს,- ამის შესახებ ეუთო/ოდირის სადამკვირვებლო მისიის ხელმძღვანელმა ალბერტ იონსონმა დღეს გამართულ პრესკონფერენციაზე განაცხადა.

მისივე განმარტებით, ოდირის სადამკვირვებლო მისიის წევრები აცხადებენ, რომ ხელისუფლების მხრიდან დაშინების ფაქტები არ იქნა შესაბამისად გამოძიებული.

ალბერტ იონსონმა არჩევნებში ქალების წარმომადგენლობა, პარტიების დაფინანსება და მედიაგარემოც შეაფასა.

„ქალები არ იყვნენ სათანადოდ წარმოდგენილები კამპანიაში რამდენიმე აღსანიშნავი გამონაკლისის გარდა, ძირითადად დედაქალაქში. 10 -დან მხოლოდ ერთი მერობის კანდიდატი და 7-დან ერთი მაჟორიტარი კანდიდატი იყო ქალი. კანდიდატების პროპორციულ სიაში, კანონის შესაბამისად, ყოველ სამ კანდიდატში უნდა ყოფილიყო ერთი საწინააღმდეგო სქესის კანდიდატი და აქედან გამომდინარე, ქალების საერთო რაოდენობამ 42,45% შეადგინა.

აღსანიშნავი უთანასწორობა იყო კამპანიის დაფინანსებასა და რესურსებში.

მედია გარემო იყო ძლიერად პოლარიზებული, რომელიც ასახავს ღრმა განხეთქილებას მმართველ პარტიასა და ოპოზიციას შორის,“- განაცხადა იონსონმა.