„ნაციონალური მოძრაობის“ წევრის, ზაალ უდუმაშვილის თქმით, მთავარი მოთხოვნაა ახალი არჩევნები და სხვა გამოსავალი შექმნილი ვითარებიდან არ არსებობს. მისი თქმით, ის საკითხებმა, რომლებიც იხილება, შესაძლოა, პოზიციების დაახლოების საფუძველი გახდეს.
„ასე რომ, ველოდებით მესამე რაუნდს. აქ უკვე საინტერესოა ხელისუფლების პოზიცია. ჩვენ, ამ პერიოდის განმავლობაში არ მოგვისმენია ხელისუფლების პოზიცია, რა წინადადებით აპირებს ის წარდგენას მესამე რაუნდზე. არსებობს ფრთხილი ოპტიმიზმის საფუძველი, თუმცა ეს არ ნიშნავს, რომ ხელისუფლება მზად არის რაღაც კომპრომისზე, ჩვენ ასეთი წინადადება არ მოგვისმენია. თუმცა ის საკითხები, რომლებიც იხილება, შესაძლოა გვაძლევდეს რაღაც ოპტიმიზმს, რომ საბოლოო ჯამში, შესაძლოა დაახლოვდეს პოზიციები.
თავის მხრივ,„ევროპული საქართველოს“ წევრი, გიგი უგულავა აცხადებს, რომ ხელშესახები წინადადებაც კი, რომელიც განხილვად ღირს, „ქართული ოცნების“ მხრიდან ჯერ არ წამოსულა“,
„ვინაიდან „ქართული ოცნების“ მხრიდან არანაირი კონკრეტული წინადადება არ არის, ამიტომ მესამე რაუნდთან დაკავშირებით რაიმე კონკრეტულზე ვერ ვისაუბრებ. ხელშესახები წინადადებაც კი, რომელიც განხილვად ღირს, „ქართული ოცნების“ მხრიდან ჯერ არ წამოსულა“, - განაცხადა გიგი უგულავამ.
imedinews.ge