რუსეთის მიერ ოკუპირებული ზაპოროჟიეს ატომური ელექტროსადგური კვლავ მიუერთდა უკრაინის ქსელს მას შემდეგ, რაც ინჟინრებმა ელექტროენერგიის გადამცემი ოთხი დაზიანებული ხაზიდან ერთის აღდგენა მოახერხეს, - ამის შესახებ ატომური ენერგიის საერთაშორისო სააგენტო იუწყება.
დღეისთვის ზაეს-ის ექვსივე რეაქტორი გაჩერებულია. მათ უწინდებურად ესაჭიროებათ ელექტროენერგია რეაქტორების გასაცივებლად და აუცილებელი ფუნქციის შესანარჩუნებლად.
სადგურის მომხმარებლებს კი ენერგია 5 სექტემბრის შემდეგ არ მიეწოდებათ. ზაპოროჟიეს ატომური ელექტროსადგური თითქმის ორი კვირის განმავლობაში იყო გამორთული უკრაინული ენერგოსისტემიდან ოლქში მიმდინარე გაუთავებელი სროლების გამო.
მანამდე IAEA- მ მიიღო რეზოლუცია, რომელიც მოუწოდებს რუსეთის ხელისუფლებას გაიყვანოს ჯარები ზაპოროჟიეს ატომური ელექტროსადგურის ტერიტორიიდან. ვენაში საერთაშორისო ორგანიზაციებში რუსეთის ფედერაციის მუდმივმა მისიამ სააგენტოს მიერ მიღებულ რეზოლუციას "ანტირუსული" უწოდა.
ზაპოროჟიეს ატომური ელექტროსადგური რუსეთის ჯარმა დაიკავა 24 თებერვალს უკრაინაში შეჭრიდან მალევე. სადგურს კვლავ უკრაინელი ექსპერტები მართავენ. არაერთხელ მოხდა სადგურისთვის ცეცხლის დაშენა, რაშიც მხარეები ერთმანეთს ადანაშაულებენ. ამ ეტაპზე ევროპაში უდიდესი ატომური ელექტროსადგურის ექვსივე ენერგობლოკი გამორთულია.
წყარო: radiotavisupleba.ge